Quinquaginta iam annorum series effluxit,
ex quo tibi Dei gratia illuxit,
totum ut te dares Uni Domino
vere pia mente et hilari animo.
Elegisti Benedicti Patris conversationem
morum et piissimam religionem,
cuius vim jam adolescens adamasti
et emissis sacris votis approbasti.
Omnes gratias agamus Deo adiutori
Filioque eius nostro salvatori,
ut adaugeat benigne annorum numerum
repleatque plenitudinem suorum munerum.
Hodie cum renovas professionem,
tibi Deus tribuat perfectionem.