Johann Bernoulli

Problema novum ad cujus solutionem Mathematici invitantur.

Datis in plano verticali duobus punctis A & B (vid. Fig. 5) assignare Mobili M, viam AMB, per quam gravitate sua descendens & moveri incipiens a puncto A, brevissimo tempore perveniat ad alterum punctum B.

Ut harum rerum amatores instigentur & propensiori animo ferantur ad tentamen hujus problematis, sciant non consistere in nuda speculatione, ut quidem videtur, ac si nullum haberet usum; habet enim maximum etiam in aliis scientiis quam in mechanicis, quod nemo facile crediderit. Interim (ut forte quorundam praecipiti judicio obviam eam) quanquam recta AB sit brevissima inter terminos A & B, non tamen illa brevissimo tempore percurritur; sed est curva AMB Geometris notissima, quam ego nominabo, si elapso hoc anno nemo alius eam nominaverit.

(Acta Eruditorum Mensis Junii A. MDCXCVI. p. 269)

Inventa de Appropinquationibus promtis ad metiendas figuras per Motus Repentis considerationem exhibitis. - Ex Epistola ad G. G. Leibnitium, Basilea 15. Januar. 1707

Bernoulli, Johann I an Halley, Edmond (1707.04.06)

Bernoulli, Johann I an Halley, Edmond (1712.11.23)

St.-Michaels-Gymnasium Metten metten_gym@degnet.de